Yaponiyaning Toshiba korporasiyasi prezidenti Xisao Tanaka tashkilotda ro'y berayotgan moliyaviy mojarolarda mas'uliyatni o'z zimmasiga olgan holda iste'foga chiqadi. Bu haqda Kyodo xabar bermoqda.
Joriy haftada tashkilotning oxirgi yillardagi faoliyati mustaqil ravishda o'rganilgan tekshiruvning dastlabki xulosalari e'lon qilindi. Unda qayd etilshicha, Toshiba bosh menejerlari korporasiyaning daromadlari o'sishi ko'rsatkichlarini soxtalik bilan oshirishgan.
Bundan tashqari, rahbarlar har oyda o'tkazilgan yig'ilishlarda korporasiya filiallaridan ilojsiz bo'lgan ko'rsatkichlarni talab qilishgani va ularga bosim o'tkazishgani aytilgan. Bu esa moliyaviy firibgarliklarga olib kelgan bo'lishi mumkin.
Tekshiruv ishlari 21 iyul kuni yakunlanadi va o'sha kuni hisobot e'lon qilinadi.
Ma'lumot uchun, Toshiba kompaniyasining oxirgi 5 yillikdagi daromadlari 200 mlrd ienga (1,6 mlrd dollar) teng bo'lgan va bu odatdagidan ancha ko'p hisoblanadi.
