Mart oyining o'rtasida Floridaning Ameliya-Aylend orolida o'tkazilgan kimoshdi savdosida 1937 yil namunasi bo'lgan Bugatti 57SC Sports Tourer sportkari sotuvga qo'yildi. Avtomobil 9.73 million dollarga sotilgan, deb yozadi "KUN.UZ".
Kimoshdi uyi vakillarining so'zlariga ko'ra, mazkur mashina nafaqat auktsionda eng qimmatga sotilgan Bugatti 57S, balki Ameliya-Aylendda savdoga qo'yilgan eng qimmatbaho urush davri avtomobili sanaladi. Namunaning boshlang'ich narxi 6 million dollarni tashkil etgan. Sportkarning yangi sohibi ismi oshkor etilmagan amerikalik xususiy kollektsiyachi bo'ldi.
Sotib yuborilgan Bugatti 57SC Sports Tourer 1937 yilda yangi holatda Nyu-Yorkka keltirilgan. Bir yildan so'ng, Londondagi motorshouda namoyish etilgan. Avtomobilda 200 ot kuchi quvvatli 3.3 litrli sakkiz tsilindrli motor joylashgan. Sportkar barcha g'ildiraklarida to'rt pog'onali mexanik uzatgich qutisi va gidravlik do'mbira tormoz mexanizmiga ega.
