Apple kompaniyasi 9 sentabr kuni katta tadbir o‘tkazilishini rasman tasdiqladi. Ushbu tadbirda kompaniyaning yangi iPhone 6 smartfoni va iWatch aqlli soati taqdim etilishi kutilmoqda.
Ushbu tadbir bundan 30 yil avval Stiv Jobs “Macintosh” kompyuterini taqdim etgan “The Flint Center”da o‘tkaziladi.
Hozirda “The Flint Center”da katta qurilish ishlari davom etmoqda va dekoratsiyalar qurilmoqda. Apple u joyni kub shakliga o‘xshash qilib bezatmoqda.
“The Flint Center” o‘ziga xos tarixiy maskan bo‘lib, 9 sentabrda o‘tkaziladigan tadbirda ham Apple ushbu tarixga mos katta yutuqlarga erisha oladigan gadjetlarni taqdim etishi kutilmoqda.
