Janubiy Koreya Transport vazirligi chorshanba, 23 sentyabr kuni BMW kompaniyasi brendining mahalliy importyori mamlakatda sotilgan 55,737 dona avtomobilni tasma tarangligini ta'minlovchi qurilmalarda aniqlangan muammolar sababli qaytarib olishini ma'lum qildi. Bu haqda “Yonhap” agentligi ma'lum qildi.
Еr, infratuzilmalar va transport vazirligi ma'lumotiga ko'ra, BMWning 24ta modelida tasmalar tarangligida nosozlik aniqlanib, bu hol harakat paytida avtomobil boshqaruvining yo'qolishiga olib kelishi mumkinligi ma'lum qilindi.
Qaytarib olinayotgan barcha avtomobillar 2007 yilning 13 noyabridan 2013 yil 29 iyuniga qadar ishlab chiqarilgan.
Shuningdek, BMWning ayrim modellarida old yo'lovchi xavfsizlik kamari tarangligi bilan bog'liq muammolar mavjudligi ham aniqlangan. Vazirlik 2014 yil 30 oktyabridan dekabrigacha ishlab chiqarilgan 4 modelda mazkur muammoni aniqlagan.
Nosozlik aniqlangan mazkur avtomobillar BMW tomonidan 23 sentyabrdan bepul ta'mirlab berilishi boshlangani ma'lum qilindi.
Shu bilan birga, Harley-Davidson kompaniyasining Janubiy Koreyadagi importyori Kiheung Motors ham 2014-2015 yillarda ishlab chiqarilgan mototsikllarda aniqlangan sifatsiz benzin nasoslarini bepul almashtirib berish boshlanganini ma'lum qildi.
