Janubiy Koreyaning shinalar ishlab chiqaruvchi Hankook kompaniyasi dami yo'q iFlex shinalarini sinovdan o'tkazd i. Sinov paytida bu shinalar o'rnatilgan elektromobil 130 km/soat tezlikka erishishga muvaffaq bo'ldi.
125/80R14 o'lchamga ega damsiz shinalar beshta ko'rsatkich: xizmat ko'rsatish davomiyligi, bikrlik, barqarorlik, “ilonizi” bo'lib yurishdagi o'zini tutish va tezlik bo'yicha sinovdan o'tkazildi. Hankook`da qayd etilishicha, ushbu shina barcha ko'rsatkichlar bo'yicha oddiy shinalardan qolishmaydi.
Kompaniya sinovdan o'tkazilgan g'ildiraklar ularning utilizasiya qilinishini osonlashtiradigan materialdan ishlanganini qo'shimcha qildi. Bunga qo'shimcha sifatida g'ildirak konstruksiyasi ularni ishlab chiqarishda ishlatiladigan jarayonlarni 8 tadan 4 taga kamaytirish imkonini beradi.
Shinalar qanday mashinada sinovdan o'tkazilgani, qanday materialdan yasalgani va qachon avtomobillarda paydo bo'lishi haqida hech narsa ma'lum qilinmagan.
Hankook`ning damsiz shinalari ilk bor 2013 yilda Frankfurtdagi avtosalonda namoyish qilingan edi. Ikki yil avval taqdim qilingan g'ildiraklar sintetik yarimuretan materialdan yaxlit konstruksiya tarzida ishlab chiqilgan. Bunday shinalarda doimiy bosimni ushlab turish kerak emas, ular teshilishlardan qo'rqmaydi va yonilg'i tejamkorligining yaxshi ko'rsatkichlarini ta'minlaydi.
Bridgestone kompaniyasi ham damsiz shinalar ishlab chiqarish bilan shug'ullanmoqda. Kompaniya bunday shinalarni termoplastik kauchukdan yasaydi.
