Lexus LS sedanining taqdimoti shu yilning kuzida Tokio avtosalonida bo'lib o'tadi. Bu haqda Motoring nashri xabar bermoqda.
Yangi modelning texnik tavsiflari haqidagi tafsilotlar hozirgacha oshkor qilinmadi. Oxirgi marta u haqda o'tgan yilning kuzida matbuotda yozilgan edi. Kompaniyaning Еvropa bo'linmasi rahbari Alen Yuttenxoven yangilik “hissiyotlarga boy” bo'lishini va'da qilmoqda. Shuningdek, u yangi model Porsche Panamera uslubida yaratilgani haqidagi gap-so'zlarni inkor qildi.
Taxmin qilinishicha, mashina motorlari gammasini 500 ot kuchiga ega 5 l li V8 dvigateli hamda olti silindrli gibridli kuch qurilmasi tashkil qiladi. Shuningdek, kelajakda Lexus shu platformada kupe kuzovli mashina chiqarishi mumkinligi aytilmoqda. Model ikki eshikli Mercedes-Benz S-Class mashinasiga raqobatchi bo'ladi.
To'rtinchi avlod Lexus LS 2006 yildan buyon chiqariladi. 2012 yili model chuqur qayta ishlandi.
Tokio avtosaloni 29 oktyabrda boshlanib, 8 noyabrga qadar davom etadi.