Chevrolet kompaniyasi premyerasi 12-fevral kuni Chikagodagi motorshouda bo‘lib o‘tadigan o‘rtacha kattalikdagi yangilangan Equinox krossoveri haqida ba’zi tafsilotlarni oshkor etdi, deb yozadi “Motor.ru”. Yo‘ltanlamas tashqi ko‘rinishi va salonida ba’zi o‘zgarishlarga uchradi, shuningdek yangi funksiyalarga ega bo‘ldi.
Yangi krossover eskisidan shakli o‘zgargan radiator panjarasi, old va orqa bamperlar hamda modernizatsiyalangan yorug‘lik texnikasi bilan farq qiladi.
Restayling qilingan mashina yorug‘lik diodli kunduzgi chiroqlar hamda o‘zgacha dizayndagi 17 yoki 18 dyuymli alyumiy disklarga ega bo‘ldi. Avtomobilda yana boshqa bir qator o‘zgarishlar mavjud.
AQShda kuzda sotila boshlaydigan yangilangan Chevrolet Equinox narxi ma’lum qilinmayapti. Hozirgi krossover qiymati esa 24 520 dollardan boshlanadi.
