Chevrolet kompaniyasi SEMA tyuning-shousi uchun Special Ops nomini olgan Silverado pikapining alohida versiyasini tayyorladi. Konsept maxsus qo‘shinlar qutqaruvchi avtomobil qanday bo‘lishi mumkinligini namoyish etish uchun mo‘ljallangan. Bu haqda “Motor” xabar bermoqda.
Yangi versiya Silverado 1500 Z71 modeli asosida ishlab chiqilgan, odatiy pikaplardan kuchaytirilgan podveska va orqa differinsialni blokirovka qilish imkoniyati bilan farqlanadi. Pikap g‘ildirak arkalarini kengaytiruvchilari, uchta olti dyumli yorug‘lik diodi elementlari mavjud maxsus radiator panjarasi, GearOn kompaniyasining bagaj qismi bog‘ichlari bilan jihozlangan. Salonga suv o‘tkazmas qoplamali o‘tirgichlar o‘rnatilgan.
Chevrolet Silverado Special Ops 20 dyuymli alyumin g‘ildirak disklari, Chevrolet Performance tormoz mexanizmlariga ega bo‘ldi. Shuningdek, Razzle Dazzle kuzovi kamuflyaj ranglaridan foydalanilgan.
