Bizni buyuk ishlardan ajratib turadigan yagona to'siq bu - dangasalik. Uni yengib o'ta olganlar esa tarixda qoladigan ishlarni amalga oshiradilar va ularning nomi avlodlar ongida abadiy saqlanadi. Bugun Gooper.uz da dangasalikdan qanday qutulish yo'llarini e'tiboringizga taqdim etamiz. Marhamat.
1. Dangasalik tutsa, nima qilasiz?
Televizor ko'rasiz yoki divanda yotib olib, biron nima varaqlaysiz yoki bo'lmasa, do'stingizga SMS yozasiz. Ammo bu ham harakat-ku! Siz, yaxshisi, hech narsa qilmaslikka harakat qiling. Bu qo'lingizdan kelmasa kerak. Rostdan ham jimjit xonaga o'ting, hech nima qilmaslikka, hech narsa o'ylamaslikka, uxlamaslikka harakat qiling. Bizningcha, bu zerikarli. Agar shunday qilsangiz, 15 daqiqa o'tar-o'tmas, biror ishga taraddudlana boshlaganingizni o'zingiz ham bilmay qolasiz.
2. O'zingizni jangovar holatga solishga urining.
Tetiklashtiruvchi musiqa qo'ying, ish o'rindig'ingiz yoki joyingizni ishlash holatga tayyor holatga keltiring. Bu holat dangasalikka qarshi kurashish borasidagi ichki hissiyotlaringizni ham uyg'otib yuboradi.
3. Odatda qiyin vazifalar insonni zeriktiradi va dangasalikka chorlaydi: Siz qiyin vazifalarni qismlarga ajratishga va uni navbati bilan bajarishga odatlaning. Ishoning, bu juda samarali usuldir.
4. Bu usul o'zingizning dangasalikka qarshi kurashishda qay darajadagi "jangchi” ekaningizni belgilab beradi. Erta turing va muhim bo'lgan ishingizni bajarishga astoydil, shiddat bilan bajarishga harakat qiling. Tongda kamida 1 soat chin dildan ishlasangiz, kun bo'yi o'zingizdan o'zingiz faxrlanib yurasiz.
5. Odamlar orasida qadimdan hech inkor qilib bo'lmaydigan bir maqol bor: "Bugungi ishni ertaga qo'yma”, shunga amal qiling. Agar siz o'zingizni me'yoridan ortiq dangasa, deb hisoblasangiz va bundan qutulmoqchi bo'lsangiz, hoziroq o'rningizdan turing, bugungi ishigizni ertaga qo'ymang.
