Volgograddagi turar-joy binosining uzunligi 1400 metr bo‘lib, 1140 xonadondan iborat. Mahalliy xalq orasida ushbu uy "achchiq ichak” yoxud "xitoy devori” deb ham ataladi. To‘qqiz qavatli uy o‘tgan asrning 1975-1979 yillarida qurilgan. Uy nihoyatda uzun bo‘lgani bois, xonadon ahllarining manzili ikki ko‘cha va to‘qqiztaga ajratilgan uy raqamlari orqali berilgan. Eng qizig‘i , shu paytgacha bunday uyning borligi haqida ko‘pchilik bilmagan ham. Bu ishga mutaxassislar kirishgach, uy Venadagi turar-joy binosidan (1100 m.) 300 metr uzun ekani aniqlandi va volgogradliklar bu boradagi rekordni yangilashga muvaffaq bo‘lishdi.
