Kuba yetakchisi Fidel Kastroning katta akasi Ramon Kastro 91 yoshida Kubada vafot etdi. Bu haqda Associated Press agentligi ma’lumotiga tayanib, “Interfaks” xabar beradi.
Fidel va Raul Kastroning katta akasi siyosiy faoliyatdan ko‘ra qishloq xo‘jaligi bilan shug‘ullanishni ma’qul topgan.
Ramon, Fidel va Raul – Ispaniyadan Kubaga kelgan fermer Anxel Kastroning o‘g‘illaridir. Maktabni tamomlagandan so‘ng, kichik aka-uka inqilobni amalga oshirishga qaror qilgan. Ramon Kastro esa otasining ishlarini rivojlantirish uchun fermaga yo‘l olgan.
Inqilob g‘alaba qozongandan keyin esa u mamlakatning qishloq xo‘jaligini rivojlantirish bo‘yicha Fidel Kastroning maslahatchisi bo‘lgan. Uning shaxsiy hayoti haqida ma’lumotlar kam. U uylanib, ikki o‘g‘illi bo‘lgan.
Guvohlar Ramon va Fidel Kastroning tashqi ko‘rinishi o‘xshash bo‘lganligini qayd etgan.
