Forbes jurnali tadqiqotlariga qaraganda milliarderlarga eng ko'p pul keltirgan sohalar ro'yxatini e'lon qildi. Ro'yxatning dastlabki uch o'rnidan investitsiya, moda va savdo hamda ko'chmas mulk yo'nalishlari joy oldi.
Milliarderlarning eng ko'p pul keltiruvchi "qozoni” investitsiya sohasi bo'lib, dunyoning eng boy 148 nafar kishisi aynan shu yo'nalishda faoliyat olib borishadi. Ular asosan qimmatli qog'ozlar, sanoat va boshqa sohalarga pul tikkanlardir.
Kiyim-kechak va kosmetika savdosi bilan 146 nafar milliarder shug'ullanar ekan.
Milliarderlar soni bo'yicha uchinchi o'rinda turuvchi soha ko'chmas mulk bo'lib, 129 nafar milliarder aynan shu yo'nalishda faoliyat ko'rsatishadi. Keyingi o'rinni "aralash biznes” deb nomlangan guruh band etgan. Bu guruhdan bir necha yo'nalishlarda faoliyat olib borayotgan milliarderlar joy olishgan. Beshinchi o'rinda oziq-ovqat sanoati turibdi.
Milliarderlar soni bo'yicha yo'nalishlar reytingi:
1. Investitsiya: 148.
2. Moda va savdo: 146.
3. Ko'chmas mulk: 129.
4. Aralash biznes: 125.
5. Oziq-ovqat sanoati: 100.
6. Yuqori texnologiyalar: 95.
7. Ishlab chiqarish: 89.
8. Energetika: 83.
9. Moliya: 78.
10. Ommaviy axborot vositalari: 69.
Manba: Biznestrener.uz
