GM Uzbekistan kompaniyasi 2014 yil boshidan Chevrolet Orlando minivenini ishlab chiqarishni boshlaydi. Bu haqda «Avtoolam» jurnali xabar bermoqda.
Xabarda ta'kidlanishicha, Evropa bozoriga Chevrolet Orlando uch xil komplektatsiyada (Base, LS va LT) chiqarilgan, biroq «o'zbekistonlik xaridorlarga ushbu variantlardan qaysi biri taklif etilishi noma'lum».
Ma'lum bo'lishicha, O'zbekistonda ishlab chiqariladigan Chevrolet Orlando’larda haydovchi va old o'rindiqda o'tirgan yo'lovchiga mo'ljallangan xavfsizlik yostiqchalari, eniga va bo'yicha moslashtirsa bo'ladigan rul, old o'rindiqlarni to'rt yo'nalish bo'yicha harakatlantirish, yomg'ir datchigi, iqlim va kruiz nazorati kabilar bo'ladi.
Qayd etish joiz, GM Uzbekistan yangi modeldagi avtomobilni ishlab chiqarishi mumkinligi haqida xabarlar 2013 noyabrida paydo bo'lgandi. Turkmaniston prezidentining O'zbekistonga tashrifi davomida ushbu xabar amalda tasdiqlangan edi, biroq keyinroq GM Uzbekistan vakillari Chevrolet Orlando’ning ishlab chiqarilishi haqida bilmasliklarini ma'lum qilishgandi.
«Avtoolam» jurnali O'zbekiston Vazirlar Mahkamasining 1996 yil sentyabridagi qarorig asosan tashkil etilgan bo'lib, «O'zavtosanoat» kompaniyasi tarkibiga kiruvchi korxonalarni axboriy qo'llab-quvvatlash bilan shug'ullanuvchi tarmoq nashri hisoblanadi.
manba: kun.uz
