GM Uzbekistan qo‘shma korxonasi Rossiyada avtomobillari narxini 20 foizdan 30 foizgacha oshirdi, deb xabar bermoqda UzDaily.
Daewoo Gentra sedanining narxi 625 ming rubl (9500 dollar), Matiz narxi 396 ming rubl (6 ming dollar), Nexia narxi esa 450 ming rubl (6800 dollar) etib belgilangan. Ushbu narxlar 2015-yilda ishlab chiqarilgan avtomobillar uchun belgilangan. Avval ishlab chiqarilgan avtomobillarni esa eski narxlarda sotib olish mumkin.
OAV ma’lumotlariga ko‘ra, natijada GM Uzbekistan mahsulotlari Rossiyadagi eng arzon avtomobillardan birlari maqomini yo‘qotgan. Endilikda Daewoo Gentra Janubiy Koreyada ishlab chiqariladigan Chevrolet Cobalt (571 ming rubl − 9520 dollar), Hyundai Solaris (550 ming rubl − 8333 dollar) va Kia Rio (451 ming rubl − 6833 dollar) avtomobillaridan qimmat turadi.
