Ukrainaning Odessa shahrida 2013-yilda birinchi vitse-miss Odessa nomini qo‘lga kiritgan Irina Angelyuk patrul politsiyachisiga aylandi, deya xabar bermoqda “Segodnya.ua”.
“Men mamlakatdagi islohot bilan bog‘liq hodisalarning bir qismiga aylandim, shuning uchun yangi politsiya yangi mamlakatni loyihalashtirishdagi asosiy vosita deb hisoblayman”, — deb yozdi qiz o‘zining ijtimoiy tarmoqdagi sahifasida.
Irina o‘tgan yili Odessa milliy iqtisodiyot universitetini bitirdi, 2015-yil 4-noyabrda esa yana 337 nafar patrulchilar bilan Ukraina xalqiga sodiqlikka qasamyod qildi.
