Dekabrning oxiri o‘tayotgan yilga yakun yasashning ayni pallasi. Garchi butun yil davomida ko‘p ishlarni amalga oshirgan bo‘lsakda, yil so‘nggiga qoldirgan yumushlarimiz topiladi. Bugun Gooper.uz'da yangi yilgacha bajarilishi kerak bo'lgan 11 ta vazifani e'tiboringizga taqdim etamiz. Marhamat!
1. Buyumlarni birovlarga bering.
Uyingizda kimdir o‘zining qo‘lqopini, kimdir bo‘yinbog‘ini yoki stol ustida o‘ynaladigan o‘yinlarini unutib qoldirgandir. Kimgadir qarzingizni yoki qandaydir buyurtmani berishingiz kerakdir. Barchasini qaytarish kerak! Yangi yil qarzdorlarni yoqtirmaydi. Bularning baridan halos bo‘lsh uchun sizni kim ushlab turibdi? Qarzlarni uzishga harakat qiling va uyingizda begona buyumlarni saqlamang.
2. Eski, ishlatilmaydigan buyumlar va barcha “eski-tuski”ni tashlab yuboring.
Anchadan beri ishlamaydigan eski mikroto‘lqinli pech, doim suvi oqadigan dazmol, har safar u qutidan bunisigajoylanadigan archa o‘yinchoqlari... Buning uchun uyni umumiy yig‘ishtirishga yeng shimarib kirishamiz. Biz shunchaki barchasini tashlab yoki berib yubormaymiz, balki kerak bo’lmaydiganlaridan halos bo‘lamiz. Anchadan buyon ta’mirlab, qaytadan yasamoqchi bo‘lgan eski va yaroqsiz buyumlarning barchasini chiqindiga tashlang. Nimanidir tikib, kiymoqchi bo‘lgansiz-u, lekin qo‘lingiz tegmagan kiyimlarni o‘ylab o‘tirmay uloqtiring. Ularni saqlashning hech bir nafi yo’q. Ulardan xolos bo‘lsangiz, o‘rnini yangilari egallashi aniq. Hech qanday bahonalar ketmaydi. Sababi, Yangi yil — ozoda yil.
3. Yil davomida kechiktirilgan muhim ishlarni, hech bo‘lmaganda bittasini yakuniga yetkazing.
Sira tugamaydigan uzundan-uzoq ro‘yxatingizga ko’z yugurtiring. Ha, albatta ishlar ko‘p. Doim shunday bo‘lgan. Siz shunchaki “peshqadamlar uchtaligini” ya’ni eng eski va muhim vazifalarni tanlang va ularni hal qiling. 2016 yilda oldingizda yangi eshiklar ochilishi uchun ortiqcha eshiklarni yopish kerak. O‘qishdagi sinov va imtihonlarni topshirish, chorak hisobotlarni oxiriga yetkazish, buvijon va buvajoningizni ko‘rgani borish, ta’mir ishlarini yakunlash, kitob mutoalasini tugatish va boshqalar. Butun yil davomida kechiktirib kelgan va hal qilolmagan barcha ishlarga yeng shimarib kirishishga fursat yetdi.
4. Ozor bergan yoki xafa qilgan insonlaringizdan kechirim so‘rang, sizni xafa qilganlarga nisbatan bo‘lgan xafagarchiligingizni unuting.
Yangi yilga g‘am-anduhsiz va gina-kudratsiz, yuzda tabassum va atrofdagi insonlarga nisbatan mehr-muhabbat tuyg‘ulari bilan kirib boring. Sizni kimdir xafa qilgan bo’lsa, kimdir tushunmadi, kimgadir esa jahl ustida ortiqcha gapirib yuborgandirsiz. Ularni unuting, kechirim so‘rang va yashashda davom eting. Kechirim so‘rash hech qachon kech bo‘lmaydi. O‘sha vaqt yetib keldi. Ishoning, eng muhimi o‘zingizni yengil his qilasiz! Hech bo‘lmasa shunchaki yozib yuboring. Buning qiyin joyi yo‘q.
5. Atrofingizdagi barcha insonlarga hayotingizda borliklari uchun minnatdorchilik bildirishni unutmang.
Yilingizni o‘ziga xos tarzda boyitgan insonlarga minnatdorchilik bildirish qanday yaxshi-ya. Men uchun “Rahmat” so‘zi sehrli so‘zga aylanib qoldi. Tanishlarimdan bu so‘zni ko‘proq aytishlarini so‘rab qolaman! Mana ko‘rasiz, hayot sizga kulib boqishni boshlaydi.
6. Yilni tahlil qiling.
Yakun yasash — ketayotgan yilning ajralmas qismi. Buning uchun 10-15 daqiqa ajratamiz va 2015 yilning shaxsiy mukofotini berishga qaror qilamiz. Bu yil qo‘shig‘i, filmi, maskani, tanishuvi bo‘lishi mumkin. Xohishga ko‘ra, mukofotingizga siz uchun muhim ahamiyatga ega bo‘lgan barcha narsani qo‘shishingiz mumkin. Birinchidan, o‘tgan yilning barcha voqealarini eslaysiz, ikkinchidan yangi yilda nimaga intilishingizni tushunib yetasiz. Shuningdek, 2016 yilda to‘ldirilishi zarur bo‘lgan bo‘shliqlarni belgilab olasiz. Masalan, men bu yilda biron marta ham balet va operaga bormaganimni bildim. Yana raqs to‘garagiga yozilishga qunt qilmadim. Lekin bu bo‘yicha kerakli qadamni tashladim. Buni 2016 yilda amalga oshiraman!
7. 2016-yil uchun orzu-istaklar idishini yasang.
Men shunchaki oddiy yarim litrli shisha idishni olib, chiroyli tarzda bezataman, 2016 yilning 1 yanvariga qadar hayolimga kelgan orzularimni yozib solib qo‘yaman. Soat millari bong urganda orzularim amalga oshishni boshlashiga ishonaman. Shundan keyin yil davomida bu idishga tegmayman, keyingi yil qay biri amalga oshgan yoki oshmaganini tekshirib ko‘raman. Eskilarini ochib, yangilarini yozish uchun Yangi yilni intizorlik bilan kutmoqdaman.
8. Qo‘shnilarni kirib kelayotgan Yangi yil bilan tabriklang.
Uyingizga ertaknamo muhit kirib kelishi uchun uni ichki olamingiz va atrofingizda yaratish kerak. Yoqimli tilaklarni yozib, qo‘shnilarning pochta qutilariga solib qo‘ying. Nahotki, yonma-yon yashayotgan qo‘shnilaringizga aytar so‘zingiz bo‘lmasa?! Agar qo‘shnilarni tanimasangiz ular bilan tanishishning ayni mavridi. Agar urishib qolgan bo‘lsangiz, yarashish va munosabatlarni tuzatish xizmat qiladigan voqea bo‘ladi.
9. Bayram archasini bezating.
Usiz bayram tatirmidi? Axir u Yangi yil bayramining ramziy daraxti-ku. Uyni bezatgandan keyin albatta archani ham bezatish yodingizdan ko‘tarilmasin. Erinchoqlar uchun topshiriq: archa va uning o‘yinchoqlarini turgan joyidan oling. Mayli u ko‘z o‘ngingizda porlab turaversin.
10. Yangi yil libosi va mandarinlar sotib oling.
Ha, yangi libos va mandarinlarsiz bayramni his qilish qiyin. Yangi libos xarid qilishda o‘ziga xos xislat bor. Yangi yilda ko‘p yangiliklar va ijobiy o‘zgarishlar bo‘lishi uchun bayram kunlari tashqi ko‘rinishingizga e’tibor qarating. Bu ichki dunyoyingiz yaxshilanishiga olib keladi.
11. Sehrli bayramni kim bilan va qanday tarzda nishonlashni rejalashtiring.
Nimaga sehrli? Chunki Yangi yilni qanday kutib olsang, uni shunday o‘tkazasan, degan gap bor. Yangi yilda atrofingizni qadirdonlaringiz va sevimli insonlaringiz to‘ldirishini istasaysizmi? Unday bo‘lsa 31 dekabr va 1 yanvar kunlari ular bilan birga bo‘ling!
Mirmuhammad Ergashev, Gooper.uz uchun maxsus
