AQShning Google korporatsiyasi Zika virusi tarqalishiga qarshi kurash uchun 1 million dollar xayriya qiladi. Bu haqda “TASS” xabar bermoqda.
Mablag‘ BMT Bolalar fondi (YuNISEF), shuningdek, bir qator boshqa tashkilotlarga xavfli xastalik oldini oluvchi vaksina yaratish, tashxis va profilaktika tadbirlarini o‘tkazishga qaratilgan choralarni qo‘llab-quvvatlash uchun beriladi.
Korporatsiya mazkur virus va uning turli davlatlarda tarqalish darajasi haqidagi barcha ma’lumotlar jamlanadigan maxsus axborot-tahlil bazasini tuzish uchun mutaxassislarini jalb etadi. Olingan ma’lumotlar tahlili asosida virusning tarqalish ehtimolini bashorat qilishga yordam beradigan dastur yaratish ustida ham ish olib boriladi.
Manba
