AQShlik rejisser Jey Jey Abrams Valve o'yin studiyasining Portal va Half-Life kompyuter o'yinlari ekranlashtirilishi tayyorlanayotganini tasdiqladi. U bu haqda IGN nashriga bergan intervyusida aytib o'tdi, deb yozadi "KUN.UZ".
“Yulduzlar janglari” filmining oxirgi qismi rejissyori Valve bilan hamkorlik qilayotgani hamda Portal va Half-Life o'yinlari voqealariga asoslangan badiiy filmlar ishlab chiqilayotgani haqida ma'lum qildi.
“Bizda stsenariynavislar bor, bu voqealar ustida ishlamoqdamiz. Biroq hozircha aniq narsa aytolmayman”, deb aytdi Jey Jey Abrams.
Bu o'yinlarning ekranlashtirilishi haqidagi gaplar 2013 yilda paydo bo'lgan, o'shanda o'yin studiyasi rahbari Geyb Nyuell va Jey Jey Abrams birgalikda ishlash niyatlarini bildirishgan.