Shunday vaziyatlar bo'ladi: o'tirgan yumshoqqona kursingizdan qimirlagingiz ham kelmay qoladi. Lekin, harakat qilish kerak! Hali oldinda qiladigan ishlar ko'p ahir! Bugun Gooper.uz'da mana shunday paytlarda o'zingizni ruhlantirishga yordam beruvchi maslahatlarni taqdim etamiz. Marhamat!
1. O’z hayot tarzingizni yarating
Kelajagingiz haqida, kelajakdan nima istaklaringiz ro’yobga chiqishi, kelajakdan nima kutishingiz haqida yozib chiqing$CUT$. Bunda siz qayerda yashashingiz, nima ish bilan shug’ullanishingiz va nimalarga erishishingizni ham batafsil ifodalang.
Bu yozadigan istaklar qalbingiz to’ridan chiqsin. Yashaydigan uyingiz jihozlarini, unda kim bilan yashashingizni ham yozishni unutmang. Bu narsa oldingizga qo’ygan maqsadlaringizga erishishingizda yaxshi omil bo’lib ta’sir qiladi.
2. Kelajagingizni tasavvur qiling
Hayotingiz qanday bo’lishini ko’pbor tasavvur etishga harakat qiling. Ko’zingizni yopgan holda nima bilan shug’ullanishingizni tasavvur qiling. Agar tasavvuringizda yaxshi sport formasida bo’lishingizni istasangiz, sport zalida mashq qilayotganingizni, ertalablari esa yugurayotganingizni tasavvur qiling. Agar yangi ish ochmoqchi bo’lsangiz, tasavvuringizda ishingizni ochib xodimlaringiz, birinchi xaridorlaringiz bilan shartnomalar tuzayotganingizni o’ylang. Yorqin obrazlar yarating, bu ishda sezgi organlaringizni ham ishga soling.
3. O’qish, o’qish, o’qish
Ko’proq o’qing, ishingiz haqidagi semenarlarga qatnashing, muavfaqqiyat qozongan insonlar bilan suhbatda bo’lib, ulardan muavfaqqiyat sirlarini o’rganing. O’qiganlaringizni o’zingizga tadbiq qilishga o’rganing va bulardan hosil bo’lgan g’oyalarni ishingiz rivojiga sarflang. O’rganish imkonlari juda ko’p, muhimi to’g’risini tanlash va tanlangan yo’ldan adashmang.
4. Tozalik va tartibga rioya qiling
Tashqi ko’rinishingiz, to’g’ri tanlagan imijingiz, sizdan taralayotgan xid sizning muavfaqqiyatingizni ta’minlovchi omillardan biridir. Toza yaxshi jihozlangan ish o’rni muavfaqqiyat omillaridan biridir. Atrofdagi tartibsizlik bizga salbiy ta’sir o’tkazadi. Hayotingizni tartibli bo’lishiga harakat qiling, hayotdan zavq olib yashashga harakatda bo’ling. Bilingki ichingiz ham ustingiz ham bir – xilda bo’lsin. Bu qonun ikkitomonlama ishlayveradi.
5. To’g’ri ovqatlaning
Ko’pchilik bu muhim bo’limni qoldirib ketadilar. To’g’ri ovqatlanish baxtli hayot kechirishimizning asosiy omili hisoblanadi. Ovqatlanish ratsioniga har – xil vitaminlarga hamda organizmingiz uchun muhim bo’lgan oqsillarni kiritishni unutmang. Og’ir parhezga o’tirish shart emas, muhimi to’g’ri tartibli ovqatlanish. Fastfudlardan voz keching, foydali ta’omlardan iste’mol qiling. Ratsioningizga yangi sabzavot, xo’l mevalarni kiriting, kuniga 1,5 litr suv iching, kechalari ovqatlanishdan voz keching. Natijalar sizni hayron qoldiradi.
6. Yaxshi tomonga intilish
Agar uzoq vaqt davomida hayotingizda hech narsa o’zgarmasa, vaqt o’tishi bilan bu hol sizga sizga oddiydek bo’lib qoladi. Tevarak – atrofingizdagi o’zgarishlarni go’yoki sezmaysiz ham. Hayotda o’zgarishlar davri keldi, javoningizdan hamma kiyimlarni olib tashlang, eski suratlardagi siz yoqtirmaydigan eslatmali rasmlarni o’chirib tashlang. Uyingizda kichik o’zgarish uyushtiring, eshik tagidagi gilamni o’zgartiring, televizor o’rnini almashtiring, pardalarni o’zgartiring. O’lik nuqtadan qo’zg’aling.Shu bilan bir qatorda yangiliklar tomon olg’a qadam bosing.
Mirmuhamamd Ergashev, Gooper.uz uchun maxsus
