2018 yilga kelib O'zbekistonda yagona pension ta'minot bo'yicha “Nafaqa” idoralararo axborot tizimi joriy qilinadi. 2015-2017 yillarda amalga oshiriladigan ushbu loyiha “Pensiya” dasturiy kompleksiga tayanadi, deb xabar beradi Norma.uz sayti.
“Nafaqa” tizimi keksa insonlarga qulayliklar yaratib, turli qog'ozli xujjatbozlik ishlarini minimal darajaga tushiradi. Shuningdek, u pensiya va nafaqa to'lovlarining o'z vaqtida moliyalashtirilishini ta'minlashi ko'zda tutilmoqda.
“Nafaqa” Adliya, Ichki ishlar, Moliya, Oliy va o'rta maxsus ta'lim, Mehnat va aholini ijtimoiy muhofaza qilish vazirliklari, Davlat soliq qo'mitasi, “O'zarxiv” agentligi, Oliy sud va tijoriy banklarning tizimlari bilan uyg'unlikda ishlaydi.
