Bugun, 26-fevral kuni Shveysariyaning Syurix shahrida FIFAning yangi rahbarini tayinlash uchun saylov bo‘lib o‘tdi. Unda UEFA bosh kotibi Janni Infantino g‘olib bo‘ldi. Bu haqda “Chempionat” xabar bermoqda.
Ovoz berishning birinchi bosqichida Infantino 88, Shayx Salmon bin Ibrohim al-Xalifa 85, Iordaniya shahzodasi Ali al-Husayn 27 va Jerom Shampan 7 ochko to‘pladi. FIFA prezidentligi lavozimiga da’vogarlik qilgan Janubiy afrikalik Tokio Sexvali esa ovoz berish boshlanishidan oldin o‘z nomzodini qaytarib oldi. Nomzodlardan hech biri ovozlarning uchdan ikki qismini yig‘a olmagani uchun ikkinchi tur o‘tkazildi.
Ikkinchi turda esa ovozlarning 50 foizidan ortig‘ini to‘plash kifoya qilar edi. Janni Infantino 115 ta ovoz to‘plab, g‘oliblikni qo‘lga kiritdi. Shayx Salmon 88, shahzoda Ali esa 4 ta ovoz yig‘di.
Shu tariqa, Janni Infantino 4 yilga FIFA prezidenti etib saylandi.
Manba
