Braziliyada bo‘lib o‘tgan mundial sovrindorlari va barcha qatnashgan jamoalar FIFA tomonidan pul mukofotlari bilan rag‘batlantirildi. Guruh bosqichida qolib ketganlar: Ekvador, Portugaliya, Xorvatiya, Bosniya va Gersegovina, Kot-d`Ivuar, Italiya, Ispaniya, Rossiya, Gana, Angliya, Eron, Janubiy Koreya, Avstraliya, Gonduras, Yaponiya va Kamerun jamoalariga FIFA 8 million dollardan mukofot puli berdi.
Nimchorak finalchilar: Chili, Meksika, Shveysariya, Urugvay, Gresiya, Jazoir, AQSh va Nigeriya jamoalari 9 million dollarlan ishlab olishdi.
Chorak finalchilar: Kolumbiya, Belgya, Fransiya hamda Kosta-Rika jamoalariga esa 14 million dollardan nasib etdi.
Musobaqa mezbonlari va to‘rtinchi o‘rin sohibi Braziliyaga 20 milllion, uchinchi o‘rindagi Gollandiya 22 million, vitse-chempion Argentina 25 million dollardan foyda ko‘rishdi.
Jahon chempionlari Germaniya terma jamoasi esa 35 million dollarni o‘z cho‘ntaklari solgan holda uyga jahon kubogi bilan qaytadigan bo‘lishdi.
