Koreya fond birjasi (KRX) sentabr oyida “Toshkent” Respublika fond birjasi modernizatsiyasini yakunlaydi, bu KRX O‘zbekiston birjasi aksiyadorlari tarkibiga kirishi uchun belgilangan shartdir. Bu haqda “Gazeta.uz” xabar bermoqda.
Modernizatsiya loyihasi O‘zbekiston Respublikasi Xususiylashtirish, monopoliyadan chiqarish va raqobatni rivojlantirish davlat qo‘mitasi raisi Davron Hidoyatovning Janubiy Koreya elchisi Li Uk Xyon bilan uchrashuvi chog‘ida muhokama qilindi.
“Joriy yil sentabrida O‘zbekiston fond bozori uchun Yagona dasturiy-texnik majmua (YaDTM) ishga tushirilishi ‘Toshkent’ Respublika fond birjasi va Koreya fond birjasi o‘rtasidagi hamkorlik tizimini yaratadi, shuningdek, Koreya biznesining O‘zbekiston iqtisodiyotidagi ishtirokini yanada faollashtirish uchun qo‘shimcha imkoniyatlarni keltirib chiqaradi”, — deyiladi qo‘mita xabarida.
2011-yil avgustida qo‘mita KRX bilan O‘zbekiston qimmatbaho qog‘ozlar bozorini modernizatsiya qilish to‘g‘risida bitim imzolagan edi, u yangi birja mahsulotlarini joriy etish, texnologiyalarni rivojlantirish va birja bozorlarini tashkil qilishni nazarda tutadi. Hujjatga muvofiq, KRX YaDTMni tayyor holda fond birjasiga topshirish evaziga, “Toshkent” Respublika fond birjasi aksiyadorlari tarkibiga 25% plyus bitta aksiya ulushi bilan kiradi.
Manba
