Leonardo Di Kaprio va irlandiyalik teleboshlovchi Laura Uitmorning munosabatlari ko`pchilikda katta qiziqish uyg`otdi. Bu haqda Elle.ru xabariga asoslanib "Darakchi" ma'lumot berdi.
Di Kaprio va Laura Uitmor bundan uch kun oldin Londonda o`tkazilgan BAFTA mukofoti taqdimot marosimida tanishgan. Aktyor bo`sh vaqtini faqat Laura bilan o`tkazishga harakat qildi. Marosim tugagach, ular birgalikda Rosewood Hotel da o`tkazilgan kechaga yo`l olishdi. Ular kecha davomida bir lahza bo`lsa ham ajralishmadi.
31 yoshli Laura Uitmor Irlandiyadagi mashhur teleboshlovchilardan biri hisoblanadi, Di Kaprioga keladigan bo`lsak, u yanvar oyida model Kelli Rorbax bilan ishqiy munosabatlariga chek qo`ygan edi.