Liviyada o‘tgan yili o‘g‘irlab ketilgan Serbiya elchixonasining ikki nafar xodimi AQSh aviatsiyasining IShID mashg‘ulot lageriga hujumi chog‘ida halok bo‘lgani taxmin qilinmoqda. Bu haqda Serbiya tashqi ishlar vaziri Ivitsa Dachich ma’lum qildi, deya xabar beradi “RBK”.
“Biz qurbon bo‘lganlar shaxsi aniqlanishini kutmoqdamiz, shuning uchun mazkur ma’lumotni hozircha rasman tasdiqlay olmaymiz”, — deya ta’kidlagan Ivitsa Dachich.
Aloqachi Slajan Stankovich va haydovchi Yovitsa Stepich Serbiya diplomatik konvoyi 2015-yil 8-noyabrda Sabrat shahri yaqinida o‘qqa tutilganidan so‘ng jangarilar qo‘liga tutqunlikka tushgandi.
AQSh aviatsiyasi 19-fevral, juma kuni Liviya g‘arbidagi jangarilar lageriga zarba berdi. Buning oqibatida 40 dan ziyod kishi, jumladan, o‘tgan yili Tunisga uyushtirilgan hujumda qatnashgan jangari halok bo‘lgani bildirilmoqda.
Manbahttp://daryo.uz/2016/02/20/liviyada-ishid-tomonidan-ogirlab-ketilgan-serbiya-elchixonasi-xodimlari-halok-boldi/