Ice Bucket Challenge – mushak falaji bilan og‘riganlarni davolash aksiyasi bo‘layotgani, bu shunchaki ko‘ngilxushlik emas ekanligi haqida avval ma’lumotlar yozgan edik.
Ushbu hayriya davomida qiziq loyihalar o‘ylab topgan va tadbir ishtirokchilariga quvonch ulashganlar ham ko‘p. Masalan, Germaniya terma jamoasi futbolchisi Shvaynshtayger!
Uning o‘z ustidan suv quyishi o‘ziga xos ssenariy asosida amalga oshirilgan. U avval kim uni bu tadbirga chorlagani va u kimlarni chorlashi haqida gapiradi. Keyin esa muzli suvni ko‘tarib, yuqori qavatdan to‘kib yuboradi.
O‘zi esa pastga qarab yuguradi, yugurish davomida utbol paytidagidek bir nechta to‘siqlardan o‘tadi. Ammo baribir yuqoridan o‘zi quygan suv ostiga borib tura olmaydi.
Aslida yuqori qavatdan suv quyib, uning ostiga tushib olishning iloji yo‘q. Bu bilan futbolchi o‘z tezligini bildiradi. Ssenariyga ko‘ra, u o‘z sohasini namoyish etadi. Xuddi shunday Microsoft kompaniyasi rahbari Bil Geyts ham o‘z ustidan suv quyguncha ajoyib mexanizm ishlab chiqqan edi.
Xullas, yakunda Shvaynshtaygerning ustidan bolakaylar suv quyishadi. Ice Bucket Challenge qabul qilinadi