Rossiyadagi dilerlik markazlari taklif qilayotgan narxlar tahlil qilinganda Daewoo Matiz avtomobilining rubldagi narxlari keskin tushirilgani ma’lum bo‘ldi, deb xabar bermoqda “Rossiyskaya gazeta”.
2015-yilda ishlab chiqarilgan Matiz’ning eng oddiy M 19 Lite versiyasi deyarli 100 ming rublga arzonlashib, hozirda narxi 299 ming rubl (4750 dollar) ni tashkil etmoqda. Bu Rossiyadagi eng arzon avtomobil hisoblanadi.
Avtomobilning avtomagnitolali va orqa oyna tozalagichiga ega versiyasi 319 000 − 325 000 rubl (5050−5150 dollar), konditsionerli versiyasi 349 000 − 355 000 rubl (5500−5600 dollar), rul gidrokuchaytirgichi bilan 365 000 − 395 000 rubl (5800−6250 dollar), eng qimmat versiyasi − M 30 esa 399 ming rubl (6300 dollar) evaziga sotilmoqda.
Eslatib o‘tamiz, avvalroq Rossiyada Daewoo Gentra avtomobillarining narxi 30 foizga arzonlashgan edi.
