Maykl Jozef Jekson – pop qo’shiqchisi, raqqos, qo’shiqlar muallifi, pop musiqa qiroli, muxtojlarga saxovatli inson, tadbirkor, eng muvaffaqqiyatli musiqachi, "Gremmi” mukofotining bir necha karra sovrindori edi. U ikki marta Ginnes rekordlar kitobiga kiritilgan. Dunyo bo’ylab 750 millionga yaqin albomlari sotilgan Maykl Jekson zamonaviy musiqa, videoklip, raqs va moda rivojiga ulkan hissa qo’shgan edi.
50-yillarda otasi Jozef Jekson Indiana shtatining Geri shaharidagi po’lat quyish zavodida oddiy ishchi, aniqrog’I, kranchi bo’lib ishlar edi. Mazkur xududdagi qora tanli ishchilar ancha kam maosh olishar, ish joylari ham salomatlik uchun xavfli edi. Bu esa musiqa shaydosi bo’lgan Jozef Jeksonni bezovta qilmas, u sabr-toqat bilan taqdir kerakli imkoniyatlar tuxfa etishini kutar edi.
Onasi Ketrin Skruz esa Alabamada tug’ilgan, u yerdan Indianaga ko’chib o’tgach, Jozef bilan tanishgan edi. Ketrin ham bo’lajak turmush o’rtog’i kabi musiqaga ishtiyoqmand edi. U qachonlardir vaqti kelib biror guruh tarkibida chiqishni orzu qilardi. Biroq, asab tizimini falaj qiluvchi kassallik tufayli u bir umirga oqsoqqa aylandi.
Yaqin tanishuvdan so’ng Jozef va Ketrin turmush qurishdi. Birin-ketin farzandlar tug’ila boshladi:1950-yilda Maurin (Rebbi), bir yil o’tib Zigmund (Jeki), ikki yildan so’ng Toriano (Tito), 1954-yilda Jermeyn, 1956-57- yillarda La Toyya va Marlona dunyoga kelishdi. 1958-yilning 29- avgustida Maykl, oradan uch yil o’tib esa Rendi tug’ilgan. Yillar yillarni quvib, oradan besh yil o’tgach besh nafar boladan iborat oilaviy guruh tuzildi. Jeksonlar uyida to’xtovsiz ravishda qo’shiq va musiqa sadolari yangraydigan bo’ldi.
Dastlab Jozef o’g’li Mayklni guruhga shunchaki qo’shgan edi, tez orada esa…