Vengriyalik jurnalist Petra Lazlo tomonidan politsiyadan qochib ketishga urinayotganida chalib yiqitilgan suriyalik qochqinning shaxsini aniqlandi. Uning ism-sharifi Usama al-Gadab bo'lib, u Suriyaning Dayr-az-Zavr shahrida dunyoga kelgan.
Urushga qadar u taniqli mahalliy “Fatua” futbol jamoasida murabbiy lavozimida faoliyat ko'rsatgan.
Uning tug'ilgan shahri IShID jangarilari tomonidan egallab olinganidan so'ng Suriyadan ketishga majbur bo'lgan.
Usamani jurnalist chalib yiqitganidan so'ng, uni vengriyalik chegarachilar ushlab olib, ortga — Serbiyadagi qochqinlar lageriga qaytarib yuborgan.
Eslatib o'tamiz, N1TV telekanalining operatori Petra Lazlo Serbiya bilan chegara hududida qochqin bilan sodir etilgan hodisadan so'ng ishdan bo'shatib yuborilgan. Jurnalistning N1TV telekanalida faoliyat yuritayotganiga to'rt oy bo'lgani ma'lum bo'ldi.
Biroz oldinroq, Vengriya prokuraturasi jurnalistga nisbatan bezorilik bo'yicha ish ochgani ma'lum qilingandi.