O‘zbekiston muzeylarida audiogidlar yordamida muzey zallari bo‘ylab ekskursiyalar olib borishning zamonaviy usullarini joriy etish hozirgi kunimiz uchun dolzarb masalalardan bo‘lib, bu yuzasidan mobil dasturdan foydalanilmoqda, deb yozadi O‘zbekiston Respublikasi Intellektual mulk agentlgi rasmiy sayti.
Muzeyga tashrif buyuruvchi, muzeyning mazkur dastur o‘rnatilgan mobil qurilmasidan foydalangan holda, eksponatlarning identifikatsion raqamini kiritib, eksponat haqida ma’lumot eshitishi mumkin. Dastur o‘zbek, rus va ingliz tillarida ishlash imkoniyatiga ega.
Mazkur dastur O‘zbekistonda ilk marotaba “Aloqa tarixi muzeyi” zallarida 2015-yil mart oyidan boshlab ekskursiyachilar e’tiboriga havola etilmoqda. Mualliflarga mazkur dastur uchun № DGU 03194 raqamli guvohnoma berildi.
