Olimlar so‘zlar o‘lik hujayralarni tiriltirishga qodir ekanligini isbotladi, deb yozadi “Interesno” nashri.
1940-yillar oxirida olimlar tebranma tizimlarni o‘rganib, ularda na miya tuzilmasi, na asab tizimi bo‘la turib, xotiraga ega ekanligini aniqlagan edi. Bunday tizimlarga organizmning axborot xotirasini saqlovchi DNK molekulasini misol qilib keltirish mumkin.
Keyinroq tebranma tizimlardagi soliton — tuzilmali barqaror to‘lqin o‘zini aqlli mavjudot kabi tutishi kashf qilindi. 40 yillik tadqiqotlar davomida olimlar solitonlar so‘zlar ta’siri ostida tirilishini aniqladi. Ushbu to‘lqinlar hujayralari o‘lib bo‘lgan bug‘doy doniga yo‘naltirilganida, ular radiatsiya ta’sirida vayron bo‘lgan DNK qayta tiklanganiga guvoh bo‘ldi.
Olimlar inson nutqini soliton to‘lqinga aylantirib, avval o‘simliklarga, so‘ng hayvonlarga yo‘naltiradigan maxsus dasturni ishlab chiqdi. Keyinroq inson fikrining sayyoraga ta’sirini o‘ganish bo‘yicha eksperimentlar o‘tkazildi.
Buning uchun odamlar o‘z ixtiyori bilan guruhlarga birlashib, o‘z ijobiy fikrlarini sayyoradagi ma’lum bir nuqtaga yo‘naltirdi. O‘sha paytda qonli janglar bo‘layotgan Iroq poytaxti — Bag‘dod bunday nuqta sifatida tanlandi. Tajriba chog‘ida janglar keskin to‘xtadi va qayta boshlanmadi.
Bunyodkor fikrning ta’siri ilmiy uskunalar yordamida qayd etildi, ular juda kuchli ijobiy energiya oqimini ko‘rsatdi. Olimlar ishonch bildirishicha, ushbu eksperiment kishilar fikri va hislarining moddiy ekanligi, ular yovuzlik, o‘lim va zo‘ravonlikka qarshi tura olishini ko‘rsatib berdi.
