Frantsiya prezidenti Fransua Olland Suriya deb Rossiya va Turkiya o'rtasida urush chiqishi xavfi borligini aytdi. Bu haqda Reuters axborot agentligi xabariga asoslanib "Kun" ma'lumot berdi.
Olland bu haqda France Inter radiostantsiyasi efirida aytib o'tdi. U ixtilofning avj olmasligi uchun barcha imkoni bor ishni amalga oshirish lozimligini ta'kidlab o'tdi.
Frantsiya prezidenti "muzokaralar qayta boshlanishi, bombardimonlar to'xtatilishi, insonparvarlik yordami yetkazilishi zarurligini" ta'kidladi.
Avvalroq Olland Rossiya hukumatini Suriya prezidenti Bashar Asad ma'muriyatiga yordam berishdan voz kechishga chaqirgandi.