Fransiya chempionati 30-turida “PSJ” klubi safarda “Trua” jamoasi mehmoni bo‘ldi. Mazkur o‘yinda parijliklar 9:0 hisobida zafar quchib, muddatidan avval Fransiya chempioniga aylandi, deb xabar bermoqda “Chempionat”.
Mazkur o‘yinda “PSJ” yetakchisi Zlatan Ibragimovich to‘rtta gol kiritib, poker muallifi bo‘ldi. Shuningdek, Edinson Kavani ikkita, Adriyen Rabio va Xavyer Pastore bittadan gol kiritdi. Yana bitta golni “Trua” a’zosi Matyo Sonye o‘z darvozasiga kiritib qo‘ydi.
Shu tariqa, Loran Blan qo‘li ostidagi “PSJ” jamoasi muddatidan avval mamlakat chempioniga aylandi. Hozirda Parij klubi hisobida 77 ochko mavjud. Uning eng yaqin ta’qibchisi “Monako” 25 ochkoga ortda qolmoqda.
Qayd etish kerakki, “PSJ” jamoasi Fransiya chempionligini chempionat yakunlanishiga 8 tur qolganida qo‘lga kiritdi va shu orqali yangi rekord o‘rnatdi. Avvalgi rekord “Lion” klubiga tegishli edi. 2006/07-yilgi mavsumda “Lion” chempionat yakunlanishiga 5 tur qolganida Fransiya chempionligini qo‘lga kiritgan edi.
Ma’lumot uchun, “PSJ” jamoasi qatorasiga to‘rtinchi, umumiy hisobda esa oltinchi bor Fransiya chempioni bo‘ldi.
Fransiya chempionati, 30-tur
“Trua” – “PSJ” – 0:9 (0:3)
Gollar: Kavani, 13 (0:1); Pastore, 17 (0:2); Rabio, 19 (0:3); Ibragimovich, 46 (0:4); Ibragimovich, 52 (0:5); Ibragimovich, 55 (0:6); Sonye, 59 (0:7, avtogol); Kavani, 75 (0:8); Ibragimovich, 88 (0:9).
“Trua”: Dreyer, Ngonga (Karabue, 64), Dabo (Konfe, 46), Sonye, Rinkon (Marsyal, 86), Kamyu, Shavyer, Nive, Pi, Jan, Guye.
“PSJ”: Trapp, Tiago Silva, Kurzava, van der Vil (Markinyos, 46), David Luiz, Pastore, Stambuli, Rabio (Maksvell, 61), Di Mariya (Lukas, 61), Kavani, Ibragimovich.
Amalga oshirilmagan penalti:Kavani (75).
Ogohlantirish: Shavyer (73).
Chetlatish: Karabue (74)
Manba
