Do'stlarimiz, yaqinlarimiz bilan yoki shunchaki o'zimizni "selfi" qilganimizda negadur fotokamera bor go'zalligimizni ko'rsatib bera olmayotgandek bo'ladi. Ahir, biz suratdagidan ancha go'zalroqmiz-ku! Bunda ayb sizda emas, kamerada ham emas. Shunchaki, siz hali chiroyli suratga tushish sirlarini bilmaysiz, xolos! Bugun siz uchun Gooper.uz'da chiroyli suratga tushish sirlarini taqdim etamiz. Marhamat!
"The Daily Mail" jurnalistlari qanday qilib chiroyli suratga tushish borasida kichik eksperiment o'tkazishdi. Natijalar esa bunday:
1. O’zingizni qulay rakursingizni toping.
Deyarli barcha insonlar assimetrik yuzga ega. “Shuning uchun, o’zingizni yaxshiroq tomoningizni aniqlab olishingiz kerak” – deb o’z fikrini bildirdi tajribada ishtirok etgan londonlik fotograf Jon Godvin. O’zingizga yoqqan tomoningiz haqida qat’iy qarorga keling va o’sha yeringiz bilan kameraga qarang.
2. G’ilaylikni sozlang
“Odatda, rasmga tushayotganimda, qoshlarimni ko’targan holda muloyim ko’rinishga harakat qilaman. Lekin Jonning fikricha, bu holat ko’zlarimga hayratlanarli, hattoki qo’rqinchli ko’rinish berar ekan” – deydi Samanta.
Anjelina Joli, Dryu Berrimor, Sheron Stoun kabi yulduzlar quyidagi ayyorlikdan foydalanishadi: Yetarlicha ishonchli va extiyotli ko’rinishga ega bo’lish uchun ular ko’zlarini birozgina g’ilayroq qilib tutishadi.
3. Tabassumni bo’rtirib tashlamang.
Ko’plab tajriba mualliflarining fikriga ko’ra, judayam katta tabassum tabiiy ko’rinmas ekan va hammaga ham yarashavermas ekan. Bosiq va yengil tabassum yuzga yoqimli ko’rinish beradi va ajinlarni ko’rsatmaydi.
4. Yanoqlaringizni yaxshilab kuzating.
Jon Godvinning fikricha, vizual ko’rinish orqali yuz hajmini kichraytirish uchun 2 ta oddiygina ishni qilsa bo’ldi: “30 gradus ostida kameraga o’zingizni yaxshi tomoningiz orqali qarang va tilingizni uchini tanglayingizga bosing. Shu orqali siz vizual kichraygan yuzga ega bo’lasiz “.
5. Lablaringizda puflayotgandek shakl qilmang.
“O’rdak” lablar ko’rinishingizni bezamaydi ham, hattoki hunuk qilib yuboradi. Sekingina ko’tarib, go’yoki kimnidur o’pmoqchi bo’lgandek turishingiz mumkin, lekin lablarni tortmang.
6. Kameraga pastdan tepaga qarang.
“Agar kameradan pastda bo’lsangiz, huddi yelkangizni tortib, tepaga qarayotgandak bo’lasiz. Bu pozitsiya yaxshi surat hosil bo’lishiga imkon yaratadi. Va teskarisiga aytadigan bo’lsak – agar kameradan teparoq turgan bo’lsangiz, bu holatda yoqimsiz va agressiv surat hosil bo’ladi” – deb maslahat beradi fotograf.
7. Dahaningizni ko'taring.
Profilga rasmga tushayotganingizda, yuzingiz ajralib turishi uchun daxaningizni ozgina ko’taring. Bu tryuk, vizual ko’rinishingizda bo’yningizni uzunlashtiradi va yanog’ingizni ixchamlashtiradi.
Mirmuhammad Ergashev, Gooper.uz uchun maxsus.
