Qo'lqoplar har bir insonning garderobida bo'lsa kerak. Bu aksessuar orqali qo'llarni isitish, sovuqdan himoya qilishdan tashqari, o'ta zamonaviy inson qiyofasini yaratish mumkin. Xo'sh, ob-havoga qarab qanday qo'lqop tanlagan ma'qul?
Qishning sovuq kunlarida issiq junli qo'lqop tanlagan yaxshi. Bu qo'lqoplar moda uchun emas, faqatgina sovuqdan himoya vazifasini bajaradi. Bu aksessuar kurtka va palto bilan kiyiladi.
Havoning iliq kunlarida trikotaj hamda yungdan tikilgan qo'lqoplarni tanlagan ma'qul. Bu aksessuarni kalta yoki tirsakkacha tikish mumkin. Bu inson qiyofasiga faqatgina ko'rk qo'shadi.
Ob-havoning o'rtacha kunlarida kiyiladigan bir qancha modalar uyi o'zining yangi dizaynerini taqdim etdi. Masalan, "Paco Rabbana” modalar uyi yangi g'oya asosida butun dunyo bo'yicha o'zining terili qo'lqoplarini taqdim etdi. "Chanel” modalar uyi esa gul hamda turli rangdagi bantiklar bilan bezatilgan qo'lqoplarini taqdim etdi.
Bazm, tug'ilgan kun, to'y-hashamlarda qizil yoki qora teriga yaqin bo'lgan qo'lqoplarni kiygan ma'qul. Bu aksessuar yordamida siz o'ta zamonaviy inson qiyofasida namoyon bo'lasiz.
Bahor faslida moda olamiga qiziqadigan hamda qo'lqop kiyishni xush ko'radiganlar, albatta, och, uzun hamda gulli qo'lqoplarni tanlagani ma'qul.
Manba: Kamolot.uz
