Qozog'istonning Qaraganda viloyatida hamshiralar xatolik tufayli ikki bolaga 6 foizli vodorod peroksidini huqna qilishdi. Bu haqda Today.kz saytiga kasalxona bosh shifokori Argin Bidaybaev ma'lum qilgan.
Natijada ikki boshla — ikki yoshli bola va besh yoshli qiz jabrlandi. Bolalarning ota-onalari farzandlariga oshqozonni tozalash buyurilgan edi.
Har ikki bola ham kasalxonaning qayta jonlantirish bo'limiga yotqizilib, ko'rilgan tezkor choralardan so'ng odatiy xonaga o'tqazilgan.
Shifokorlar bolalarga yarali kolit tashxisini qo'yishdi.
Bosh shifokor Argin Bidaybaevning aytishicha, dori vositalari idishlarini almashtirib qo'ygan. Hodisa aybdorlariga tegishli chora ko'rilgan.
“Bugun mening buyrug'im bilan har ikki hamshira va navbatchi shifokor ishdan bo'shatildi. Shuningdek, bo'lim katta hamshirasi va bo'lim boshlig'i ham hayfsan olishdi”, – dedi bosh shifokor.
