Nazarboyev universiteti talabasi, ostonalik Didar Perneboyeva qozog‘istonlik kelinlar uchun “Kelin” mobil dasturini yaratdi, deb xabar beradi “Tengrinews.kz”.
Dastur testlar, retseptlar, lug‘at va “sirlar” – qizlar uchun anonim ijtimoiy tarmoq kabi to‘rtta qismdan iborat. Uning yordamida qozog‘istonlik kelinlar milliy taomlarning mashhur retseptlarini olishi, erining qarindoshlariga to‘g‘ri muomalada bo‘lishni o‘rganishi, shuningdek, oiladagi munosabatlar bo‘yicha eng dolzarb savollarga javob olishi mumkin.
Qozog‘istondagi nikohlarning uchdan bir qismi ajrashish bilan yakun topayotganligi Perneboyevani ushbu dasturni yaratishga undadi.
