Xitoydagi ko'ldan mashhur "Begona” filmidagi o'zga sayyoralik qonxo'r va yirtqich maxluqni eslatuvchi jonzot topildi. Biroq u kinodagi personajdan farqli o'laroq insoniyat uchun xavfli emas. Ushbu jonzot qisqichbaqasimonlar bilan oziqlanadi.
Kattalashtirilgan fotosuratlari ilmiy fantastikaning ta'sirchan ishqibozlarini qo'rqitishga qodir bo'lgan ushbu jelesimon va tishli maxluq aslida buqachalar oilasiga mansub noyob baliq turi hisoblanadi, deb yozadi "The Daily Mail”. Baliq Xitoyning sharqiy TSzyansu provintsiyasida ushlangan. Uning ko'ldan topilishi hayratlanarli hol, chunki oldinlari bu turdagi baliqlarni faqat dengizning sohilga yaqin joylarida va daryo etaklarida ushlash mumkin bo'lgan. Bu baliqning uzunligi 30 santimetrga etishi mumkin. U qisqichbaqasimonlardan tashqari mayda baliqlar va mayda umurtqasizlar bilan ham oziqlanadi.
