Madridning “Real” jamoasi yarim himoyachisi Garet Beyl va himoyachi Marselo “Selta”ga qarshi Ispaniya chempionati 28-turida maydonga tusha oladi, deb xabar beradi “Uff.uz”.
Futbolchilar shu haftada klub mashg‘ulotlariga qaytgan va bugun, 5-mart kuni “Selta”ga qarshi kechadigan o‘yinda maydonga tushishi kutilmoqda.
“Real” yarim himoyachisi Toni Kroos tumov kasaliga chalingani uchun mashg‘ulotlarda ishtirok etmadi. Luka Modrich esa jarohatidan butunlay tiklanib ulgurmagani va bo‘lajak o‘yinni o‘tkazib yuboradi.
Ma’lumot uchun, “Real” – “Selta” uchrashuvi bugun, 5-mart kuni “Santyago Bernabeu”da bo‘lib o‘tadi. O‘yin Toshkent vaqti bilan 20:00 da boshlanadi.
Manba
