Krishtianu Ronaldu - Lamborghini Aventador LP 700-4
Jahonning eng kuchli futbolchisining mashinasi ham uning mavqeiga mos bo'lishi lozim. Lamborghini Aventador ning dvigateli quvvati 700 ot kuchiga teng bo'lib, u transport vositasiga 217 mil/s maksimal tezlikka erishish imkonini beradi.
Madridning «Real» jamoasi forvardi mashinasining usti jilolanmagan qora rangli yuzaga ega bo'lib, bu avtomobilning sipo ko'rinishiga qo'shimcha jihatlar baxsh etadi. Biroq ana shu go'zallik Sizga 267 000 funtga tushishi mumkin.
Lionel Messi - Maserati GranTurismo MC Stradale
Avtomobil futbolchiga muvofiq bo'lib, avtomobil sanoati tarixidagi eng buyuk mashinalardan biri hisoblanadi.
Uning avtomobili oppoq rangli bo'lib, maksimal tezligi 188 mil/s, narxi esa 107 000 funt sterling. Jahon futbolida Ronalduga bas kela oladigan yagona futbolchiga loyiq mashina.
Ueyn Runi - Aston Martin Vanquish
Angliya ramzi Buyuk Britaniyada ishlab chiqarilgan avtomobilda yurishi shart. Aston Martin Vanquish yo'llarda futbol maydonidagi Runi kabi yuksak mahorat ko'rsatadigan mashina.
Runi bu «go'zal» uchun naqd 166 000 dan voz kechishiga to'g'ri keldi. Uning maksimal tezligi 183 m/s va dvigateli quvvati 565 o.k. Superyulduz uchun to'g'ri keladigan avtomobil deb aytish mumkin.
Samuel Eto'O - Maybach 57 S Xanatec Coupe
O'z vaqtida Eto'O jahonda eng ko'p haq oladigan o'yinchi edi. Aytishlaricha, unda qiymati 3.98 mln funt bo'lgan avtomobillar parki bor ekan. Kollektsiyasining ko'rki Maybach Xanantec Coupe. Bu mashinaning narxi 600 000 funt va u kamerunlik sardor maydonda ajralib turgani kabi uning mashinasi ham yo'llarda ko'zga yaqqol tashlanadi.
Uni shuningdek, Aston Martin One-77 boshqarib borayotganini ham ko'rganlar bor.
Mario Balotelli - Ferrari F12
Ferrari 12 ni Super Marioning qiziqqon fe'l-atvori uchun ideal mashina desa bo'ladi. «Manchester Siti»ning sobiq o'yinchisi Angliyada yashagan paytida haydab yurgan o'z Bentley Continental Supersports mashinasini qizil rang Ferrariga almashtiribdi. Bu rang italiyalik futbolchining hozirgi klubi rangi.
Dvigatel quvvati – 740 o.k., maksimal tezligi - 340 km/s.
Neymar - Audi R8 GT
Xalqaro futbol sahnasida o'z mamlakati futbolining bugungi kungi ifodasi bo'lgan bu futbolchidan Jahon chempionatida Braziliyaning umidi katta. «Barselona»ning iqtidorli hujumchisi Audi R8 GT da uchishni yaxshi ko'radi. Narxi - 148 000 funt sterling. Maksimal tezligi deyarli 200 mil/soat.
Neymar mashinasining yorqin-oq rangli bir tekis dizaynini va klassik qizil charm salonini saqlab qolishga qaror qilgan. Bu o'yinchilar Jahon chempionatida ishtirok etmasalar ham, ularni e'tiborga loyiq deb topdik.
Riberi - Lamborghini Gallardo LP560-4 Spyder
Frantsiya afsonasi Zinedin Zidan Riberini "frantsuz futbolining javohiri" deb atadi. Albatta, agar u jarohat olmaganida, JCh da o'z jamoasiga juda asqotar edi.
Ammo Riberi yo'llarda o'z ko'nglini Gallardo LP560-4 Spyder yordamida ko'tarishi mumkin. Bu mashina 201 mil/soat ga qadar tezlik olishi mumkin va uning narxi 133 000 funt sterling. Bu avtomobilda yo'llarda ko'zga tashlanmay yurish qiyinov.
Odil Ahmedov - Toyota Land Cruiser Prado
O'zbekiston kubogi sohibi Odil Ahmedov mukofot sifatida Toyota Land Cruiser Prado olgan edi. Bugungi kunda u Rossiyaning "Krasnodar" klubi o'yinchisi.
