Rossiya mudofaa vazirligi armiyani robotlashtirish konsepsiyasini ishlab chiqmoqda. Mazkur konsepsiya avtomatik jangovar robotlar yaratish va ulardan boshqaruvning yagona tizimiga birlashgan qism hamda tuzilmalar shakllantirishni nazarda tutadi. Bu haqda mudofaa vaziri o‘rinbosari, armiya generali Pavel Popov ma’lum qildi, deya xabar beradi “RBK”.
“Rossiyalik harbiylar quruqlik va dengizda foydalanish uchun mo‘ljallangan o‘nlab robototexnik majmualar, yuzlab uchuvchisiz havo qurilmalarini ishlatmoqda. Robototexnikadan foydalanish birinchi galda hayot uchun xavfli vazifalar, jumladan, sapyorlik ishlarini bajaradigan harbiy xizmatchilarni almashtirishga qaratiladi”, — deya ta’kidlagan Popov.
2014-yili Rossiya mudofaa vazirligi qurol-aslahalar tizimida robotlar ulushini 30 foizgacha yetkazish rejasini e’lon qilgandi. Hozirda harbiy yo‘nalishdagi qator robototexnik majmualar sinovdan o‘tkazilmoqda. Xususan, 2015-yil may oyida Novorossiyskda “Uran” turidagi ko‘p funksiyali robototexnik majmualar sinovi bo‘lib o‘tdi.
Manba
