2020-yilga kelib, AQShning San-Fransisko shahrida do‘konlar peshtaxtalaridan plastik idishlardagi ichimliklar yo‘qoladi, deb yozadi National Geographic.
Bunday qonunlar AQShdagi 14 ta milliy bog‘ va universitetda amal qiladi; San-Fransisko mamlakatda bunday qarorni qabul qilgan birinchi shahar bo‘ldi.
Bir yil avval bu yerda ovqat uchun polietilen paketlar va konteynerlardan foydalanish taqiqlangan edi. Ichimliklarni plastik qadoqda sotishga asta-sekinlik bilan chek qo‘yish uchun to‘rt yil ajratildi. Savdo tarmoqlari uchun jarima 1000 dollarni tashkil etadi. Hukumat rejasiga ko‘ra, bu ularni plastik idishdagi suvni xarid qilishdan voz kechishga undaydi, natijada ishlab chiqaruvchilar ichimliklarni ko‘p martalik shisha idishlarga quya boshlaydi.
