Kaliforniya shtatining Santa-Barbara shahrida yashab kelgan, kelib chiqishi xitoylik bo'lgan tabib Veydong Xan va uning oila a'zolari o'ldirib ketilgan. Bu haqda Associated Press xabar bergan, deb yozadi "KUN.UZ".
U, 29 yoshli rafiqasi hamda 5 yoshli qizi o'qotar qurol orqali o'ldirilgan. Jasadlar oilaning uyida, paketga o'ralgan holda topilgan.
Bu qotilliklarni sodir etishda gumon qilinib, 27 yoshli Per Haobsh qo'lga olingan. Politsiyachilar uni San-Diegodagi avtomobillarga yoqilg'i quyish shoxobchasida qo'lga tushirishgan. Uning mashinasida qurol hamda Xanlar oilasidan o'marilgan mulk topilgan.
Tergovchilarning hisoblashicha, qotillikka tabibning faoliyati sabab bo'lgan. Xan 1991 yili Pekindan kelib Santa-Barbarada o'z klinikasini ochgan. U jarrohlar oilasi vakili bo'lib, davolashda xitoy tabobatiga oid usullardan (igna bilan davolash va turli massajlar) foydalangan. Bundan tashqari, uning klinikasida mijozlar uchun turli giyohlar berilgan.