Saudiya Arabistoni va Buyuk Britaniyaning bir guruh olimlari yangi Oy chiqishi vaqtini aniqlash uchun mo‘ljallangan radioteleskop ishlab chiqdi. Qurilma haqida Monthly Notices of the Royal Astronomical Society jurnalida batafsil ma’lumot berilgan, deb yozadi New Scientist.
Mualliflarning ta’kidlashicha, ushbu moslama turli islom mamlakatlari taqvimlarini sinxronlashtirish imkonini beradi.
Qurilma 3,7 metr diametrga ega teleskopdan iboratdir. U 1 gigagersdan 100 gigagersgacha diapazonda ishlaydi.
Islom taqvimida oyning birinchi kuni yangi Oy chiqqan kun hisoblanadi. Taqvim Oy sikllariga asoslangan bo‘lib, ularni astronomik dasturlar yordamida aniq hisoblash mumkin. Biroq islomda ma’lum bir oyning kelgani kamida ikki nafar ishonchli musulmonlar kuzatuvidan so‘ng rasman tasdiqlanishi mumkin. Turli mamlakatlarda kuzatishlar mustaqil ravishda amalga oshiriladi, shuning uchun ba’zan bulutli havo tufayli diniy bayramlar turli sanalarda nishonlanadi.
Teleskop yaratuvchilari qurilmaning Oyni bevosita kuzatishda qiyinchiliklar yuzaga kelgan paytda qo‘l kelishini qayd etdi.