Shohruh Xon Hindiston bosh vaziri N. Modinning ona Vatani bo`lmish Ahmadobodga “Raees” filmining syomkasiga kelganda, olomon uning avtomobilini toshbo`ron qildi. Hujumchilar aktyorga qarata, “Shohruh Xon, bu yerdan yo`qol!” deb xayqirdi.
Janjaldan hech kim talafot ko`rmadi. Bu suratga olish guruhining o`ng sektor a`zolari bilan ikkinchi to`qnashuvidir, deya xabar berdi “zee-tv.ru” nashri.
“Jaholat jazoga loyiq, yana unga Yaratganning nomini qo`shish vijdonsizlikdan boshqa narsa emas”, - deb fikr bildirdi g`azablangan aktyor.
Shohruh Xon Hindistonda avj olib borayotgan diniy murosasizlikdan norozi bo`ldi. Uning fikri esa mahalliy aholi va hukumatga yoqmadi va unga nisbatan tanqid toshlari ham yog`di.
“Raees” filmi 2016 yilning avgust oyida ekranga chiqishi rejalashtirilgan. Agar ahvol shu tarzda davom etadigan bo`lsa, film syomkasi boshqa joyga ko`chirilishi mumkin.
Manba: "Darakchi" nashri
