Amerikaliklar KXDRni AQSh uchun “asosiy xavf” deb atadi, Rossiyani esa ikkinchi o‘ringa qo‘ydi. Bu haqda Amerikaning Gallup tadqiqot xizmati o‘tkazgan so‘rov natijalariga tayanib, “TASS” xabar bermoqda.
Unga ko‘ra, so‘ralganlarning 16 foizi KXDRni Amerikaning “asosiy dushmani” deb atagan. O‘tgan yili 15 foiz ishtirokchilar shunday fikrni bildirgan edi. Ikkinchi o‘rinni amerikaliklar Rossiyaga berdi — 15% (o‘tgan yili — 18%). Uchinchi va to‘rtinchi o‘rinlarni Eron (14%) va Xitoy (12%) egalladi.
Shu tariqa, AQSh uchun “asosiy xavflar” to‘rtligi uch yildan buyon o‘zgarishsiz qolmoqda.
