Shvetsiya va Meksika astronomlari Quyosh tizimining olis chekkalarida superyerlar bor, deb gumon qilmoqda. O‘z tadqiqotlari natijalarini mualliflar arXiv.org saytida e’lon qildi.
Olimlar fikricha, ular aniqlagan osmon jismi Quyosh tizimida ma’lum bo‘lgan obyektlarning eng uzoqdagisi bo‘lib chiqishi mumkin. Olimlarda mavjud ma’lumotlar hozircha uning hajmi va Yerdan qanchalik olisda ekanligini aniq aytish imkonini bermaydi.
Astronomlar ALMA observatoriyasida kuzatuvlar olib bordi va ikki marta: 2014-yil iyulida va 2015-yil mayida potensial superyerni ko‘rdi.
Olimlar aniqlangan obyekt Yerdan ikki marta kattaroq va Quyoshdan 300 astronomik birlik uzoqligida joylashgan superyer; Yerdan 100 astronomik birlik masofasidagi mitti sayyora; Yerdan 20 ming astronomik birlikda joylashgan jigarrang mitti sayyora degan uchta gipotezani ilgari surmoqda.
Avvalroq “Spitser” teleskopi orqali olib borilgan kuzatuvlar Quyoshdan 21 yorug‘lik yili masofasida Yerga o‘xshash sayyora mavjudligini tasdiqlagani, bugungi kunda u (HD 219134b) Yerga eng yaqin bo‘lgan yersimon sayyora ekanligi haqida xabar berilgan edi.
Superyer — Yerdan og‘irroq, biroq Yupiter va Saturndan yengilroq bo‘lgan sertosh sayyora yoki ekzosayyora (Quyosh tizimidan tashqarida joylashgan sayyora)dir.
