Qabul qilib oluvchining nomini yozishda yo‘l qo‘yilgan imlo xatosi xakerlarga Bangladesh Markaziy banki hisoblaridan qariyb 1 milliard dollarni ko‘chirib o‘tkazishga xalal berdi, deb yozadi “RIA Novosti”.
Markaziy bank tizimini buzib kirib hamda zarur ma’lumotlarni qo‘lga kiritib, yovuz niyatlilar to‘rtta transh orqali 80 million dollarni o‘g‘irlashga ulgurdi, 20 million dollarlik beshinchi transh esa Nyu-York Federal zaxira bankining qandaydir ishkallikni payqagan xodimlari tomonidan to‘xtatildi, barcha o‘tkazmalar ushbu bank orqali o‘tayotgan edi.
Nyu-York banki xakerlarning jami 850—870 million dollar mablag‘ni Filippin va Shri-Lankadagi tashkilotlarga transfer qilish haqidagi 30 dan ortiq so‘rovlarini qabul qilgan. Ulardan to‘rttasi qondirilgan, natijada firibgarlar hisobiga 81 million dollar kelib tushgan. Beshinchisida esa qabul qilib oluvchi nomida imlo xatosi bo‘lgan: inglizcha “foundation” (muassasa, tashkilot) so‘zi o‘rniga, so‘rovda “fandation” deb yozilgan. O‘tkazmani amalga oshirayotgan mutaxassislar Bangladesh Markaziy bankiga murojaat qilib, buni aniqlashtirishga majbur bo‘lgan, shunda firibgarlik fosh bo‘lgan.
Ayni paytda Bangladesh hukumati o‘g‘irlangan mablag‘ni qaytarishga urinmoqda
Manba
