Xitoy havo sifati nazoratining yagona umumdavlat standartlarini joriy etadi. Bu haqda mamlakat davlat meteorologik boshqarmasi rahbari Chjen Goguan ma’lum qildi, deya xabar beradi “TASS”.
“Jamoatchilikning havoning ifloslanishi muammosiga ortib borayotgan e’tiborini inobatga olib, kuchli smogni tasniflashning milliy standartlarini ishlab chiqish uchun atrof-muhitni himoya qilish boshqarmalari bilan hamkorlik qilamiz. Masalan, hozirda Pekin, Tyanszin va Xebey provinsiyasi (Shimoliy Xitoy) uchun havo sifatining yagona standartini yaratish ustida ish olib borilmoqda”, — deya ta’kidlagan Goguan.
Mansabdorning bildirishicha, Xitoy 2020-yilga kelib meteorologik tizim modernizatsiyasini yakunlaydi.
