Xitoyning markaziy qismida joylashgan Chunsin shahrida 9 yoshli bolani onasi kuniga 16 soat mashg`ulot qilishga majbur qilgan. Bu haqda “Lenta.ru” nashri xabariga asoslanib "Darakchi" ma'lumot bermoqda.
Bola maktabdan qaytgach, uyga vazifadan tashqari, xattotlik, matematika va suzish bilan shug`ullanadi. U mazkur vazifalarni bajarishga ulgurish uchun soat tonggi beshda uyg`onib, soat oltidan qo`shimcha mashg`ulotlarni bajarishga kirishadi. Unga faqat soat o`nda mashg`ulotlarni to`xtatib, uxlashga ruxsat beriladi.
Bolaning onasi farzandi tarbiyasida bir paytlar otasi uni tarbiyalashda qo`llagan usullardan foydalangan. “Agar u kelajakda engil hayotda yashashni istasa, hozir mashaqqatli mehnatni bajarishi lozim”, deb o`z tarbiya usulini ma`qulladi xitoylik ayol.
Uning aytishicha, bolaning kun tartibidagi har bir band uning rivojlanishiga qaratilgan. Pianino chalishni o`rganish uning artistlik qobiliyatini oshirib, qizlar bilan tanishishda qo`l kelsa, matematika mantiqan fikrlashi uchun yordam beradi. Ayol qattiqqo`llikni bolaning kamolotga erishishida eng muhim omillardan biri deb hisoblaydi.